ಮಿಡಿತ

ನಿನ್ನ ನಡೆಯ ನೋಡಿ ಮನದಾಸೆ ಕಾಡಿ
ನಿದಿರೇನೆ ಬರದೆ ಹೋಯ್ತೋ
ನಿನ್ನ ಕಣ್ಣ ನೋಟ ನಿನ್ನ ಮೈಯ ಮಾಟ
ನನ್ನೆದೆಯ ಕಸಿದುಕೊಂತು
ನಿನ್ನ ಕಂಡ ದಿನವೇ ನಾ ಸೋತುಹೋದೆ
ನಿನ್ನ ಚೆಲುವ ದಾಸನಾದೆ
ನಿನ್ನ ನುಡಿಯ ಕೇಳಿ ಮನಕರಗಿ ಹೋಗಿ
ನಿನ್ಹಿಂದೆ ನಾನೇ ಬಂದೆ
ನಿನ್ನೊಡನೆ ಕಳೆದ ಆ ಮಧುರ ಕ್ಷಣವು
ಇನ್ನೆಂದು ಮುಂದೆ ಬರದು
ಅದ ನೆನೆದು ನೆನೆದು ಪ್ರತಿ ಕ್ಷಣವು
ನನ್ನ ಮನವು ಮಿಡಿಯುತಿಹುದು
ದಿನ ದಿನವು ನನ್ನ ಮನದೊಳಗೆ ನಿನ್ನ
ಆ ಮಧುರ ನೆನಪು ಇಹುದು
ಪ್ರತಿ ಕ್ಷಣವು ನನ್ನ ಮನದಾಳವಿಂದು
ನಿನಗಾಗಿ ಮಿಡಿಯುತಿಹುದು